
	Адвароткі
	Мае жаданні

Аўдыё

Сцяпан Дайнека

Мае жаданні

Мае жаданні

Калі б нехта некага недзе
Перапісваць пачаў у звяры,
Стаць хацеў бы я Белым Мядзведзем,
Жыць ля айсберга, белай гары.

Я хадзіў бы ад рання да рання
Па пустыні сваёй снегавой.
І калыска паўночнага ззяння
Калыхалася б над галавой.

Я хацеў бы зрабіцца Дэльфінам,
Вольна плаваць і тут і там,
Паміж хваляў зелёных і сініх
Шлях паказваць марскім караблям.

Стаць нядрэнна было б Аленем,
Да крыніцы з сябрамі ісці
І глядзець як у лесе вясеннім
Пачынае пралеска цвісці.

Але толькі пры ўсім пры гэтым
(Кім бы лёс не прызначыў стаць)
Я хачу застацца Паэтам
І для вас, дзеці, вершы пісаць.

Наверх

<< Папярэдняя частка

Колькасць прачытаўшых: 3492
Колькасць вогдукаў: 1

	Напiсаць водгук:
Аўтар:
*E-mail:
*Назва:
	Увядзiце код, які ўказаны на малюнку
Тэкст:


Стварэнне сайта - ArtisMedia	© Леанiд Дайнека, 2007