Русский
Проза
Паэзія
Герадоцінкі
Песні
Публіцыстыка
Для дзяцей
Аўдыё
Сцяпан Дайнека

Птушыны Кароль

У апошнія гады ва ўсім свеце павялічылася
колькасць авіякатастроф.
З паведамленняў СМІ.


Час не губляючы марна,
Пачаць мне песню дазволь.
У сінім нябесным захмар'і
Жыве Птушыны Кароль.

Там, дзе воблакаў рыфы,
Дзе сонца і побач - імгла,
Ён нечым падобен на грыфа,
Ды болей, усё ж, на арла.

Ён майстра неспадзяванак.
Умее сачыць, хітраваць.
Чырвоныя іскры маланак
На сініх пёрах гараць.

Над морам ці над гарамі
Убачыўшы аэраплан,
Ён пaдае з хмары, як камень,
Ідзе на смяротны таран.

Жудаснай кругаверцю
Выбухнуць дым і агонь,
І ў эпіцэнтры смерці
Чуецца голас яго:

"Нічога ў жыцці мне не трэба.
Я вольную волю люблю.
Пакіньце для птушак Неба.
Вазьміце сабе Зямлю.

Зямных не хапае даляў?
Мала вады? Травы?
Навошта ў нас адабралі
Высокае неба вы?

Неба птушыных крылляў…
Неба - наш вечны храм…
За тое, што храм разбурылі,
Заўжды буду помсціць Вам!"

Але сціхаюць грымоты.
Сонечна дзень зіхціць.
І толькі жонкі пілотаў
Не могуць той голас забыць.

У сэрцы кожная носіць
Той голас дзесяткі год,
І са слязьмі просіць:
- Пілот, не ўздымай самалёт!

Зірні - над аэрадромам
Праз хмараў сажу і соль
Сатканы з агню і грому
Імчыцца Птушыны Кароль..
Наверх

<< Папярэдняя частка         Наступная частка >>

 

Колькасць прачытаўшых: 3626
Колькасць вогдукаў: 0

Напiсаць водгук:
Аўтар:
*E-mail:
*Назва:

Увядзiце код, які ўказаны на малюнку
Тэкст:
Галоўная Пошук Пошта Мапа сайта Гасцявая кнiга
Стварэнне сайта - ArtisMedia
 © Леанiд Дайнека, 2007